तथागत गौतम बुद्ध आणि डॉ.बाबासाहेब आंबेडकरांवर १०,००० हून अधिक गीते रचणारे महाकवी

*महाकवी वामनदादांचा स्मृतीदिन*

*त्यांच्या पवित्र स्मृतींना विनम्र अभिवादन ! व कोटी कोटी प्रणाम !!*

*भीमा तुझ्या मताचे जर पाच लोक असते*

*तलवारीचे तयांच्या न्यारेच टोक असते*

*वाणीत भीम आहे, करणीत भीम असता*

*वर्तन तुझ्या पिलांचे सारेच चोख असते*

*गोळी खुशाल घाला फाशी खुशाल द्यारे*

*खोटे इथे खऱ्‍याचे दुसरेच टोक असते*.

*तत्वाची जाण असती, बिनडोक लोक नसते*

*सारे चलन तयांचे ते रोखठोक असते*.

*सदभाव एकतेचे जर अंतरात असते*

*चुकले कुणीही नसते सारेच एक असते*.

*वामन समान सारे स्वार्थाने अंध नसते*

*तुझिया कृतीप्रमाणे सारेच नेक असते*.

चांदण्याची छाया कापराची काया

माऊलीची माया होता माझा भीमराया....

चोचीतला चारा देत होता सारा

आईचा उबारा देत होता सारा

भीमाईपरी चिल्यापिल्यावरी

पंख पांघराया होता माझा भीमराया....

बोलतात सारे विकासाची भाषा;

लोपली निराशा आता...लोपली निराशा ;

सात कोटीमधी विकासाच्या आधी

विकासाचा पाया होता माझा भीमराया....

झाले नवे नेते मलाईचे धनी ;

वामनाच्या मनी येती जुन्या आठवणी;

झुंज दिली खरी रामकुंडावरी;

दगडगोटे खाया होता माझा भीमराया..... 

तथागत भगवान गौतम बुद्ध आणि डॉ. बाबासाहेब आंबेडकरांवर १०,००० हून अधिक गीते रचणारे महाकवी वामनदादा कर्डक यांच्या स्मृतीदिनी

..विनम्र अभिवादन..💐💐💐💐

Amol & Amol  FB WALL

Previous article

Next Post

Next article

Previous Post